Ástura

L'asociación Ástura tien los siguientes fines: La promoción, el fomentu, la dignificación y la defensa de la llingua y de la cultura asturiana en tolos ámbitos culturales, educativos, empresariales, y sociales; incluyendo instituciones y organizaciones públiques y privaes. Asina mesmo, l’espardimientu y la dignificación de les señes d’identidá d’Asturies.
Pal cumplimientu d'estos fines realizaránse les actividaes que vienen darréu:

• Desarrollu de proyectos de normalización y de promoción n’ámbitos específicos d’actuación.
• Organización de campañes divulgatives pa la concienciación de los distintos sectores de la sociedá.
• Convocar conceyos, conferencies, foros, seminarios, etc. que promuevan actuaciones pal fomentu y pa la dignificación de la cultura y de la identidá asturiana.
• Difundir publicaciones en cualisquier formatu pal espardimientu de los fines de l’asociación y de les sos actividaes.