Conferencia "NUN VAS VOLVER AL MERCÁU: EL TTIP Y LA MUERTE DE L’ASTURIES QUE CONOCES"

Baxo’l títulu de «NUN VAS VOLVER AL MERCÁU: EL TTIP Y LA MUERTE DE L’ASTURIES QUE CONOCES» esti mes de mayu la conferencia d’Amable Concha va facer un percorríu fonderu poles gravísimes consecuencies que'l Tratáu de Llibre Comerciu (TTIP) va tener pal campu asturianu. 

El Tratáu Tresatlánticu de Comerciu ya Inversiones (TTIP, Transatlantic Trade and Investment Partnership) constitúi un arremielgu, una amenaza, pa la ciudadanía en xeneral y un grave peligru pa l’Asturies rural en particular. Afita un desaniciu de derechos políticos, inclusive del marcu constitucional, en cuantes que, amás de tener una verdadera trescendencia llexislativa, afeuta al modelu económicu y social previstu na Constitución vixente (artículu 128 y ss), y tien finxao, mesmamente, que les revisiones y enanchamientos del tratáu queden desapartaos del poder llexislativu, correspondiendo-y estes xeres a un organismu colexáu formáu polos grandes operadores internacionales privaos del TTIP.

D’otra miente, p’Asturies el TTIP nun ye bramente un tratáu de llibre comerciu sinon un preséu regulador y normativu que dexará fuera del comerciu, tamién internu, tolos productos que nun s’axusten a les esixencies del tratáu, incompatibles con un modelu de pequeñes producciones artesanales y d’alta calidá. P’afitar a modu esta cuestión averarémonos a los capítulos del TTIP qu’afeuten al accesu al mercáu de los bienes, l’agricultura y, en particular, el que ta dedicáu ensembre a les pequeñes y medianes empreses (SMEs nel Tratáu). 

––––––––––––––––––––––––––––––––––––––––––

AMABLE CONCHA GONZÁLEZ nació’l 25 d’ochobre de 1965 en Ciudá de México.
• Llicenciáu en Derechu pola Universidá Complutense de Madrid, ye doctor en Derechu Públicu pola Universidá d’Uviéu. Amás, tien Suficiencia Investigadora n’Antropoloxía Social pola Universidá de Cantabria.
• Abogáu n’exerciciu.
• Asoleyó dellos artículos rellacionaos col derechu públicu asturianu.
• Participó n’estremaos congresos y seminarios, ente ellos el Congresu estraordinariu de Derechu Públicu cellebráu na Organización de Naciones Xuníes pel so 50 aniversariu, presentando una comunicación nel VII Congresu Internacional d’Antropólogos Iberoamericanos.
• Collabora nel diariu La Nueva España.